Елордалық балалар үйі ұжымы мен тәрбиленушілердің атынан «Ас-Салам» мешіті ұжымына қоғамдағы өмірлік құндылықтарды нығайтуға бағытталған игі істеріңіз бен бастамаларыңызға, балаларға деген шынай қамқорлықпен көрсеткен қайырымдылық көмектеріңіз үшін шексіз алғысымызды білдіреміз.

Қайырымдылық – адамзат бойындағы ерекше бір қасиет болып саналады. Қайырымдылық ізгіліктің, адамның адамға деген таза ниетін, адамгершілік қарым-қатынасын көрсететін адамдардың бір-біріне деген сүйіспеншілігі мен көмегі. Қайырымды жандарды «алтын жүректі адамға» теңейтіні де содан болар.

Балалар үйінің сәбилері мен ұжымы атынан ҚР МСМ «Қазақ ұлттық хореография академиясы» ШЖҚ РМК ректоры Асылмұратова Алтынай Абдуахимқызына және Академияның тәрбие жұмысы және әлеуметтік даму жөніндегі директоры Алишева Алила Турсумбайқызына бүлдіршіндерімізді қуанышқа бөлеген керемет сыйлықтары үшін шексіз ризашылығымызды білдіреміз.

Нұр-Сұлтан қаласы әкімдігінің «Мамандандырылған балалар үйі» МКМ ұжымы БАӘ елшілігіне балалар үйінің тәрбиеленушілеріне көрсеткен қайырымдылық көмегі мен қамқорлығы үшін шын жүректен алғыс білдіреді.