Елордалық балалар үйінде «Қуыршақтар шеруі» өтті. Түрлі мамандық иелері қуыршақ кейпінде қонаққа келіп, бүлдіршіндермен бірге бар өнерлерін ортаға салып, жиналған қауымды қуаныш пен шаттыққа бөледі.

Балдырғандар тәрбиешілерімен бірге қызықты ойындар ойнап, жеңімпаздарға түрлі тәттілер үлестірілді. Үздік қатысушыларға сертификаттар мен Алғыс хаттар табыс етілді.

Балалар үйінде әрбір мерекенің орны бөлек. Әрбір іс-шара өзіндік ерекшелігімен таңқалдырып қана қоймай, балаларға қызықты ақпарат пен өнегелі тәрбие береді. Бұл жолғы іс-шараның мақсаты балаларымыздың танымдық білімін арттырып, өздері күнделікті ойнайтын ойыншақтарының жай ойыншық емес, қызықты өмірлік тәрбие құралы екені көрсетілді. Думанды мерекелік іс-шара қызықты әрі көңілді өтті.