Астана қаласы әкімдігінің «Мамандандырылған балалар үйі» МКМ-нде «Алтын күз» мерекелік іс-шарасы өткізілді.

Мерекелік бағдарламада балаларымыз Күз ханшайымы, Аю және Кірпімен бірге ән айтып, қызықты ойындар ойнап, «Паровоз», «Жаңбыр», «Күзгі саңырауқұлақтар» биін билеп, күз туралы өлеңдерді жатқа оқыды.  Ертеңгілік барысында «Күздің сәнді бейнесіндегі киім үлгісі» тақырыбында табиғи заттардан жасалған әсем киімдерімен белсенді қатысқаны үшін балаларымызға арнайы алғыс хаттар мен мадақтамалар табыс етілді.

Мерекелік іс-шараның соңында «Күз ханшайымы» балаларға алмалар үлестіріп берді. Мереке өте көңілді, әрі қызықты болып өтті.