Табиғаттың жаратылысы өзіне тән жыл он екі ай төрт мезгілімен ұштасады. Әр мезгіл өз сұлулығымен, өз ерекшелігімен таңғалдырады. Соның ішінде айналаға сары алтындай сән берген, ғажайып көрінісімен табиғаттың сұлулығын бейнелейтін ерекше мезгіл – Алтын күз.

Астана қаласы әкімдігінің «Мамандандырылған балалар үйі» МКМ-нде «Қуыршақ» тобының ұйымдастыруымен алтын күзбен қоштасу ертеңгілігі өтті. Ертеңгілікте балаларымыз «Қызыл алма» ертегісін қызығушылықпен тамашалап, күз Ханшайымын «Жапырақтар» биімен қарсы алып, «Қолшатыр» ойынын қызығушылықпен ойнады.

Ертеңгілік барысында балалар Ата мен Әжеге күзгі өнімдерді жинауға көмектесіп, Тиын мен Кірпіге қысқа арнайы азық жинауға ерекше құлшыныспен көмектесті.

Балалар өздерін ертегідегідей сезініп, әсерлі көңіл-күйге бөленді.