Балдырғандарымызды көптен күткен сиқырлы, әрі қайталанбас таңғажайып мерекесімен арнайы құттықтау үшін бүгін біздің елордалық балалар үйіне Астана қаласының Қоғамдық денсаулық сақтау басқармасы басшысы Мұратов Тимур Мұратұлы келді.
Жаңа жыл мерекесі қарсаңында сәбилерімізге мерекелік көңіл күй мен қуаныш сыйлау мақсатында басқарма басшысы Тимур Мұратұлы, басқарма басшысы орынбасары Гүлназ Төленқызы, Қоғамдық денсаулық сақтау басқармасы қызметкерлері атынан балаларымызға керемет сыйлықтар табыс етілді. Астана қаласының Қоғамдық денсаулық сақтау басқармасы балаларымыздың жайлы өмір сүруі үшін үнемі жағдай жасап, қамқорлық танытып қолдау көрсетеді.
«Бала – бағым, бала – болашағым» - дейді қазақ. Сәбидің күлкісі ғажайып әуен секілді!!! Мереке қарсаңында арнайы келіп балаларымыздың жүзіне күлкі, жүректеріне жылу сыйлаған Тимур Мұратұлына алғысымыз шексіз.
Құрметті Тимур Мұратұлы, балалар үйінің ұжымы мен бүлдіршіндері атынан Сізге және басқарма ұжымына шексіз алғысымызды білдіреміз.
Сіздерді алдағы келе жатқан Жаңа жылмен құттықтаймыз! 2023 жылы алға қойған мақсаттарыңыз орындалып, үлкен жетістіктерге жетелесін, барлық бастамаларыңызға табыс әкелсін. Сіздерге, мықты денсаулық, шынайы бақыт, жұмыстарыңызға табыс, шаңырағыңызға шаттық тілейміз. Еңбегіңіз еленіп, толағай табыстарға жете беріңіздер! Әр күніңіз бақыт пен ізгілікке толы болсын!
