10.05.2024 ж. біздің балалар үйінің ұжымы «Халықаралық мейірбекелер күніне» орай мейірбикелерімізді құттықтап ізгі телектері мен жылы лебізін білдірді.
Директор Сауле Кенжетайқызы құттықтау сөз сөйлеп, балаларымызға мейірімділігі мен қамқорлығы үшін аяулы жандарымызға шынайы ризашылығын білдіріп, жыл көлемінде нәтижелі жұмыс атқарған мейірбикелерімізге Астана қаласы “Қоғамдық денсаулық сақтау басқармасының” Алғыс хатын табыс етті.
Сондай ақ, елордалық балалар үйінің мейірбикелері – Жақсылыкова Н.К. Аманжолова А.Ж. Оспанова Г.С. Қазақстан Республикасы Денсаулық сақтау министрлігінің «Денсаулық сақтау ісінің үздігі» төсбелгісімен марапатталды.
Бүгінде дәрігердің баға жетпес көмекшісі болып жүрген мейірбике қызметі маңыздылығы ерекше мамандық. Қашаннан дәрігерлер мен мейірбикелерді ізгіліктің нұрын себушілер деп атайды.
Мейірбике – ең жауапты, қиын да қарапайым, әрі адалдықты қажет ететін мамандық иесі. Сырқаттанып, ем іздеген талайдың дертіне дауа, көңіліне демеу бола білген, күндіз-түні адам жанының арашашысы болып жүрген ізгілікті маман иелері.
Құрметті мейірбикелер!
Сіздерді кәсіби мерекелеріңізбен құттықтаймыз!
Сіздерге зор денсаулық, шыдамдылық және игілікті еңбектеріңізге сәттілік, отбасыларыңызға амандық пен бақыт тілейміз!
