06.08.2024 ж. Астана қаласы әкімдігінің «Мамандандырылған балалар үйі» КММ-не біздің үйдің кішкентай тұрғындарының тыныс-тіршілігімен танысып, жағдайларынан хабар алу мақсатында Оразалина Динара Аманболқызы – Қазақстан Республикасы Денсаулық сақтау министрлігінің «Отан соғысы ардагерлеріне арналған Орталық клиникалық госпиталь» ШЖҚ РМК директоры, «AMANAT» партиясының жанындағы «Әйелдер қанатының» тең төрайымы, Астана қаласы мәслихатының VII және VIII сайланымының депутаты. Әлімғазина Бағлан Ауғанбайқызы – «AMANAT» партиясы Астана филиалының қоғамдық қабылдау меңгерушісі. Азамат Тұрсынбекұлы Өмірзақов – «AMANAT» партиясының мүшесі, Астана қаласы мәслихатының VII сайланымның депутаты. Жұмаш Аянгүл Бекболатқызы – «АМАНАТ» партиясы Астана қалалық филиалы Саяси жұмыс бөлімінің кеңесшісі арнайы жұмыс сапарымен келді.

Директор Кенжебаева Сауле Кенжетайқызы құрметті қонақтарымызға мекеме қызметі жайлы ақпарат беріп, балалар үйіне экскурсия жүргізді. Кездесу барысында қонақтар бассейн, физиотерапия, Монтессори кабинетін, сенсорлық кабинетті, логопед кабинеттерін көріп, балалар үйінде ерекше қамқорлықты қажет ететін балаларды оңалту және абилитациялау бойынша емдік дене шынықтыру залында жүргізілетін жұмыстармен танысты.