27.02.2025 ж. Балалар үйінің қабырғасында Консилиум кеңесінің кезекті отырысы өтті. Консилиум кеңесінде өмірлік қиын жағдайдағы 6 отбасының кейстері қаралды: 2 отбасы «Көпбалалы отбасылар» санатына жатады, 3 отбасы «Толық емес отбасылар» санатына жатады, 1 отбасы «Мүмкіндігі шектеулі баланы тәрбиелеп отыр». Ата-аналар мекеме қызметкерлеріне көмек көрсетіп, отбасының мәселелеріне көңіл бөлгендері үшін алғыстарын білдірді.
Арнаулы әлеуметтік қызметтерді қажет ететін отбасылардың кішкентай балаларын балалар үйіне тәулік бойы орналастыру үшін 9 айдан 3 жасқа дейінгі балаларға арналған күндізгі күтім топтары жұмыс істейді. Мұндай топтардың құрылуы баланы күндізгі күтім тобына орналастырып, кешке үйіне, отбасында тәрбиеленуіне мүмкіндік береді. Сондай-ақ, ата-аналарға отбасының әлеуметтік-экономикалық жағдайын тұрақтандыруға және өмір сүру сапасын жақсартуға көмектесетін жұмыс табу мүмкіндігін береді.
Топқа қабылдау әлеуметтік көрсеткіштерге сәйкес және аумақтық медициналық мекеменің өтініші бойынша жүзеге асырылады.
Консилиум жұмысына қорғаншылық және қамқоршылық органының мамандары, «АНА ҮЙІ» ҚҚ қызметкерлері, Балалар үйінің қызметкерлері қатысты. Кеңес отырысы барысында Балалар үйінде арнаулы әлеуметтік қызметтерге мұқтаж отбасыларды, сондай-ақ «ерекше» бала тәрбиелеп отырған отбасыларды қолдау үшін материалдық ресурстар, адами ресурстар және қажетті құрал-жабдықтар бар екені айтылды.
Арнаулы әлеуметтік қызметтерді қажет ететін отбасыларға арналған күндізгі топқа баланы орналастыруға қатысты сұрақтар бойынша Астана қаласы, Манас көшесі 17/1, байланыс телефоны 8 7172 56 12 61 хабарласуыңызды сұраймыз.
