Бүгін Нұр–Сұлтан қаласы әкімдігінің «Мамандандырылған балалар үйі» МКМ-нде «Алтын күз» мерекелік іс-шарасы өткізілді. Балалар әуезді әуенмен залға кіріп, «Паровоз», «Жапырақтар», «Күзгі саңырауқұлақтар» биін билеп, хормен күз туралы «Алтын күз» әнін әдемі орындады. Ал тәрбиешілер күз бейнесі мен Қоян, Аю, Күз ханшайымы кейпінде балалармен түрлі ойындар ойнап, сәбилерімізді қуанышқа бөледі.

Бағдарлама барысында кішкентай балғындарымыздың мерекелік іс-шараға арнайы дайындаған күздік сәнді киімдер шеруі көрсетілді. Сондай-ақ, балаларымыздың тәрбиешілерімен бірге күзгі табиғи материалдардан жасалған жұмыстары көрмесі ұйымдастырылды.

Мерекелік жиын соңында мекемеміз басшысы Сауле Кенжетаевна мен педиатр-дәрігер Дүрия Каратаевна сөз сөйлеп, балаларды мерекесімен құттықтап, жылы лебіздерін білдірді. Мерекелік ертеңгілікке қатысқан барлық балғындарымызға арнайы номинациялар мен сыйлықтар табыс етілді. Тәрбиешілерімізге еңбегі мен жоғары белсенділіктері үшін арнайы сыйлықтар берілді. Мерекелік іс-шара түрлі қызықтары және тамаша қойылымдарымен жоғары деңгейде аталынып өтті.