Балалардың шығармашылығы әрдайым жарқын жағымды эмоцияларға толы. Осыған байланысты біздің үйдің кішкентай дарынды бүлдіршіндерінің жұмыстары керемет тартымды күшке ие. Сол себепті, сәбилерімізді әр түрлі конкурстарға жиі қатыстырамыз. Бұл балалардың бойында көрнекі белсенділікке деген құштарлықты оятуға және сақтауға, сонымен қатар танымдық қызығушылықтарын дамытуға көмектеседі. Балаларымыздың сурет салуға деген қызығушылығы қабілеттерін шыңдап, бос уақыттарын тиімді өткізудің жаңа әдістерін үйреніп, жетістіктерге жете білуінің тамаша тәсілі.
Бұл жыл біздің дарынды бүлдіршіндеріміз үшін шығармашылық табысқа толы жыл болды. Балаларымыз республикалық және ауданаралық онлайн байқауларға қатысып жүлделі орындарды иеленуде. Балғындарымыздың бұл жолғы кезекті жеңісі «Балдаурен» Республикалық балалар мен жасөспірімдер сайты ұйымдастырған «Күзгі шабыт» байқауына қатысып, ерекше қабілеттерімен үздік деп танылды.
Шығармашылық жеңісімен «Қоңырау» тобының бүлдіршіні Балабай Бекарыс пен «Қуыршақ» тобының балдырғаны Нурхатов Рамазанды шын жүректен құттықтаймыз. Жетекшілері Ахметжанова Роза Жакиевна мен Бейсембекова Нина Владимировнаға алғысымызды білдіреміз. «Балдаурен» Республикалық балалар мен жасөспірімдер сайты ұйымдыстырған байқауға балаларымызды белсенді қатыстырып, өскелең ұрпаққа білім мен тәрбие беруде қосқан үлестеріңіз үшін арнайы «Диплом» иелендіңіздер. Алар асуларыңыз бұдан да жоғары болып, жемісті еңбектеріңіздің тек жеңісін көріңіздер.
