Жаңа жыл мерекесі, әсіресе, балалар үшін үлкен қуаныш. Бүгін Нұр-Сұлтан қаласы әкімдігінің «Мамандандырылған балалар үйі» МКМ-нде Мемлекетіміздің ертеңгі өркендеуін жалғастыратын өскелең ұрпағымызға арналған дәстүрлі Жаңа жылдық шырша болып өтті. Мерекелік шыршаның басталуында арнайы қонақ ретінде балдырғандарымызға мерекелік көтеріңкі көңіл-күй сыйлау үшін сүйікті ертегі кейіпкерлері – Аю мен Маша, Ергежейлі гном, Мұз ханшасы келді. Ертегі кейіпкерлері балғындарымыз бен би билеп, ән салып, түрлі қызықты ойындар ойнады. Мерекелік кештің басты қонақтары Аяз ата мен Ақшақар балаларымызды келе жатқан Жаңа жылмен құттықтап, думанды кештің ажарын ашты.
Мерекелік бағдарлама барысында бүлдіршіндеріміз 2020 Тышқан жылын шығарып салып, келе жатқан 2021 Сиыр жылын күтіп алды. Жыл кейіпкері Сиыр – алдағы жыл берекелі, тыныш әрі бейбіт, молшылық пен жақсылық жылы болуын тілеп, баршамызды қуанышқа бөледі.
Директор Сауле Кенжетайқызы сөз сөйлеп, ұжым қызметкерлері мен сәбилерімізді келе жатқан Жаңа жылмен құттықтап, зор денсаулық, жаңа жетістіктер мен барлық армандардың орындалуын, алдағы жылдың табысты әрі қызықты өтуін тілеп, жылы лебізі мен ыстық ықыласын білдірді.
Мерекелік кеш соңында біздің үйдің кішкентай тқрғындары Аяз ата мен Ақшақардан, сүйікті ертегі кейіпкерлерінен дәмді тәттілер мен түрлі сыйлықтар, әдемі ойыншықтарды сыйлық ретінде алып, қуанышқа бөленді. Балаларымыздың жүзіндегі күлкісі мен көңіліндегі қуанышы біз үшін нағыз бақыт.
Сіздерді «Мамандандырылған балалар үйі» ұжымы келе жатқан Жаңа жылдарыңызбен шын жүректен құттықтаймыз. Жаңа жыл Сіздерге мықты денсаулық, баянды бақыт, жаңа жетістіктер және молшылық әкелсін! Алдағы Жыл тек игі жақсылықтарымен, ырыс-берекесімен, мол қуаныштарымен төрімізден орын алсын!
