Қайырымдылық ұғымын терең зерттеген ғұлама Әл-Фараби: «адамдары бақытқа жету мақсатымен бір-біріне көмектесіп отыратын қоғам – қайырымды қоғам. Барлық қалалары бақытқа жету мақсатымен бір-біріне көмектесіп отыратын халық – қайырымды халық. Егер халықтар бақытқа жету мақсатымен бір-біріне көмектесіп отырса, бүкіл ғалам қайырымды болмақ» деген.

Қайырымды, жүректері жылуға толы ҚР «Судьялар одағы» РҚБ әскери соты филиалына сәбилерімізге көрсеткен қайырымдылық көмегі үшін алғысымызды білдіреміз. Отбасы жылуынан тыс қалса да, қоршаған орта мен жанашыр жандардың жақсылығы жанына жылу сыйлайтын бүлдіршіндерімізді, мереке қарсаңында назардан тыс қалдырмай қуанышқа бөлегендеріңіз үшін рахмет! Сіздерге, мықты денсаулық, табыс және әрбір қолға алған істеріңізге сәттілік тілейміз. Келе жатқан 2021 жыл құтты болсын! Шаңырақтарыңыз шаттыққа, молшылық пен қуанышқа толсын!