16 наурызда кішкентай бүлдіршініміз Әсия 1 жасқа толды. Осындай ерекше күні, Әсияны тек біздің ұжым ғана емес, «Қасиетті жол» ҚҚ қорының «Балапан» ерте араласу орталығының мамандары да құттықтап келді. Орталық мамандары арнайы сыйлықтарымен бірге, кішкентай Әсияға деген өздерінің жылуы мен ықыластарын да ұсынды. Әсия мен балалар үйінің ұжымы атынан, «Балапан» ерте араласу орталығының барлық мамандарына мейірімділігі мен жауапкершіліктері үшін алғыс білдіреміз.

Сіздер біздің балаларымызды әрдайым күлкімен, қуанышпен қарсы аласыздар. «Қасиетті Жол» ҚҚ қорының «Балапан» ерте араласу орталығының қызметкерлеріне, алда жоспарлаған барлық биіктіктерді бағындырып, өркендеуіне және елордамыздың кішкентай тұрғындарын өз еңбектерінің керемет нәтижелерімен қуантуына тілектеспіз!