Наурыз - бұл табиғаттың, көктемнің, махаббат пен достықтың, құнарлылықтың жаңару мерекесі! 2021 жылы 19 наурызда Нұр-Сұлтан қаласы әкімдігінің «Мамандандырылған балалар үйі» мемлекеттік коммуналдық мекемесінде «Күлімде Наурыз, күлімде» мерекесі өтті.

Ұлттық киім киген балалар ертеңгілікке қызығушылықпен қатысты, қазақ халқының ежелгі дәстүрлері мен әдет-ғұрыптарымен танысты. Мереке ұлттық ойындар мен жарыстармен жалғасты. Балалар қазақтың ұлттық ойындары - «Ханталапай», «Тақия тастау», «Көрпеше» және басқа ойындарды да аса қызығушылықпен ойнады. Ұлттық ойындар бүлдіршіндерімізді сергіте түсті. Мерекенің басты кейіпкері, Қыдыр ата, өзінің тәрбиелік ақылдары мен тілектерін айтты.

Мереке қызықты, көңілді, мазмұнды болды.