Көктемгі наурыз айының келгеніне қарамастан, қыс өз қаһарын әлі де төгіп тұр! Қатты қарлы бораннан кейін, балалар үйінің аумағын басып қалған қалың қардан тазартуға, тағы да көмекке Нұр-Сұлтан қаласының «Алматы аудандық полиция басқармасы» мемлекеттік мекемесінің қызметкерлері келді.

Нұр-Сұлтан қаласы әкімдігінің «Мамандандырылған балалар үйі»МКМ-нің тәрбиеленушілері мен қызметкерлері көрсетілген көмек үшін шын жүректен алғыстарын білдіреді. Қыс мезгілінде полиция қызметкерлері бұл көмек түрін жүйелі түрде көрсетіп тұрады.

Олар балалар үйіне қарасты аумақты, жолдар мен ойын алаңдарын қардан тазартады. Жақсы істер шамшырақ тәрізді, олар көмек күтіп тұрған адамдарға жарқырай түседі.

Офицерлердің бұл істері, Нұр-Сұлтанның басқа да азаматтары үшін көрсеткіш болып табылады.

Сіздерге зор денсаулық, қызметтеріңізге сәттілік, сарқылмас күш-қуат, жұмыста табыс тілейміз!