Жыл сайын, маусымның үшінші жексенбісінде біздің еліміз медицина қызметкерлері күнін атап өтеді! Осынау кәсіби мереке күні  барлық медицина қызметкерлерін құттықтаймыз және оларға сәттілік, кәсіби өсу, жетістіктер, өркендеу, қарапайым адамзат бақытын тілейгіміз келеді!

2021 жылы 18 маусымда елордадағы балалар үйінде «Медицина қызметкері күніне» арналған «Ақ халатты абзал жандар» атты мерекелік іс-шара өтті.

Балалар үйінің барлық ұжымы дәрігерлік құрам мен медбикелерді кәсіби мерекелерімен құттықтады. Дәстүр бойынша мерекені, өзінің жүрекжарды құттықттау тілегімен, балалар үйінің директоры Сәуле Кенжетайқызы Кенжебаева ашып берді.

Мерекеге орай құттықтаулар, билер, әндер мен өлеңдер орындалды. Дәрігерлер өздерінің барлық шығармашылық таланттарын көрсететін қызықты сайыстар өткізілді.

Кәсіподақ комитеті өздерінің жыл сайын беретін сыйлықтарын берсе, ал біздің мамандар мен педагогтар, ақ халатты абзал жандарға гүл шоқтары мен әдемі құттықтауларын тарту етті.

Құрмет грамоталарымен және алғыс хаттармен: Анаргүл Нухаевна Смағұлова, Оксана Евгеньевна Гречишкина, Багира Игеновна Жунусбекова, Гаукер Байдүкенқызы Жұмадилова, Марьям Ахмадиевна Исина, Ләззат Қартаевна Сулейменова, Гүлнар Рахимжанқызы Алибаева, Марина Отоулеевна Малаева, Мұрат Саветұлы Абитаев, Арман Ақтайұлы Бекбулатов, Даурен Ғабиденұлы Утжанов марапатталды.

Біздің дәрігерлер мен медицина қызметкерлерін төл мерекелерімен шын жүректен құттықтаймыз! Сіздерге сүйікті істеріңізбен айналысу шабыт пен қуаныш әкелсін деп тілейміз! істеріңіз әдемі болсын, күндеріңіз қуанышты және шуақты болсын!