Айналамыз алтын түске оранып, қоңыр күз келді. Жаздың жайма шуақ күндері суық күнге ауысты. Ал біздің  үйдің кішкентай еңбекқор егіншілері, өздерінің тәрбиешілерімен бірге жаз бойы еңбектеніп еккен егіндерін жинады. Бұл жылы бүлдіршіндеріміз еккен қияр мен қызанақтар молынан салып, балаларымызға ерекше қуаныш сыйлады.

Егін егуді үйреніп, еңбегінің жемісін көруді сезінуі үшін балапандарымызға балалар үйінің аумағынан арнайы шағын жер бөлінген. Балаларымыз көктем келіп, күн жылынып, егіннің қамы басталған кезден өздерінің бақшаларына жиналып, жаздың жайдыры жылы күндерінде егін егіп, суарып, өсірумен айналысады. Осылайша, жас агрономдарымыз өздерінің сүйікті көкөністерін өсіру мүлде қиын емес екенін біледі.