«Білім – біліктілікке жеткізер баспалдақ, ал біліктілік – сол білімді іске асыра білу дағдысы», - деп Ахмет Байтұрсынұлы айтқандай, білімі мықты, білігі жоғары жаңашыл ұстаздар біздің мекемемізде де жеткілікті.

Нұр–Сұлтан қаласы әкімдігінің «Мамандандырылған балалар үйі» МКМ-нің музыка залында Мұғалімдер күніне арналған мерекелік шара өткізілді.  

Кәсіби мерекеге арналған іс-шара барысында білім және ғылым саласына өздерінің елеулі үлестерін қосып, жас ұрпақты білім нәрімен сусындатып, әрі өнегелі тәлім-тәрбие беріп жүрген тәрбиешілерімізге Нұр - Сұлтан қаласының «Алматы» ауданының әкімі Бекмурзаев Е. О.  Нұр - Сұлтан қалалық Қоғамдық денсаулық сақтау басқармасының басшысы Мұратов Т. М. Нұр-Сұлтан қаласы Білім басқармасының басшысы Сейсенбай Ш. Т. және

«Nur Otan» партиясы «Алматы» аудандық филиалы төрағасының Бірінші орынбасары Болысбек М. Ә. мен «Мамандандырылған балалар үйі» МКМ-нің арнайы алғыс хаттары табыс етілді.

Мекемеміз басшысы Сәуле Кенжетайқызы жыл бойы балаларға  мейірімі мен қамқорлығын көрсетіп келе жатқан аяулы тәрбиешімізді кәсіби мерекесімен құттықтап, тынымсыз еңбектеріне құрмет ретінде әсем безендірілген арнайы торт сыйлап, жылы лебізі мен ыстық ықыласын білдірді.   Сондай-ақ, тәрбиешілерімізге Кәсіподақ комитеті мен мекемеміздің медбикелерінің атынан арнайы сыйлықтар берілді.

Балаларымызды мейіріміне бөлеп, тәлім-тәрбие беретін тәрбиешілерімізге деген алғысымыз шексіз.

Өз істерінің жоғары деңгейдегі мамандары атанған осы бір құрметті жандардың тынымсыз еңбектерінің арқасында біздің балаларымыз елінің өркендеуіне үлес қосар ұрпақ болып тәрбиеленуде.

Құрметті ұстаздар, білім мен ғылымға арнаған істеріңіз абыройлы болып, құрметтеріңіз әрдайым арта берсін! Болашақтың тұғыры биік, ұрпағымыз білімді де іскер болсын! Тәуелсіз еліміз көркейіп, өркендей берсін!