Мекемемізде әр жыл сайын өткізіліп, дәстүрге айналған «Алтын күз» күзгі бал ертеңгілігі өткізілді.

Мерекелік бағдарламада балдырғандарымыз «Күз ханшайымы», «Тұмау», «Жел» кейіпкерімен бірге ән айтып, би белеп, қызықты ойындар ойнап, ертеңгілікті есте қаларлықтай қызықты өткізді. Ертеңгілік барысында «Күздің сыйы» тақырыбында табиғи заттардан жасалған көрмеге белсенді қатысқаны үшін балаларымызға арнайы алғыс хаттар мен мадақтамалар табыс етілді. Сондай-ақ, әр түрлі аурулардың алдын алуға бағытталған «Денсаулық» биі бүлдіршіндеріміздің көңілінен шығып, ерекше қуаныш сыйлады. Ал Күз ханшайымының “Жемістерге толы себет” ойыны балаларға көтеріңкі көңіл-күй сыйлады.

Мерекелік іс-шараның соңында «Күз ханшайымы» балаларға алмалар үлестіріп берді. Мереке өте көңілді, әрі қызықты болып өтті.

Өткізілген ойын-сауық  іс – шарасы бүлдіршіндерімізді  табиғат сұлулығын сезінуге, оны аялай білуге және сүйіспеншілігін оятуға, ұжымшылдығын, шығармашылығын арттыруға айтарлықтай үлес қосты.