Балалар үйі бүлдіршіндері мен ұжымы атынан, Нұр-Сұлтан қаласы «Алматы» ауданы полиция басқармасының жеке құрамына, Нұр-Сұлтан қаласы төтенше жағдайлар департаментіне және де Қазақстан Республикасы ҰҚК үкіметтік байланыс қызметіне, біздің үйіміздің аумағын қардан тазалауда көрсеткен көмектеріңіз үшін алғысымызды айтамыз.

Аталған ұйымның қызметкерлері, біздің балалар үйіне жыл сайын әртүрлі көмектер көрсетеді.  Әсіресе қыс мезгілінде, кішкентай сәбилеріміз таза ауада серуендеуге, демалуға, ойын ойнауға сыртқа шыққанда, аулада емін-еркін жүріп тұрулары  үшін, біздің ойын алаңдарын қалың қардан тазалап, бүлдіршіндерімізге көтеріңкі көңіл сыйлайды.  

Осындай риясыз көңілдеріңіз үшін, Сіздерге зор денсаулық, отбасында бақыт, қызметте табыс және алға қойған барлық мақсаттарға жетулеріңізді тілейміз!