Балалар үйінің аумағын қалың жауған қардан тазарту жұмыстары әлі де жалғасуда. Бүгін біздің мекемемізге Нұр-Сұлтан қаласы әкімдінің «Жоғары медициналық колледж» ШЖҚ МКК «Шуақ» еріктілері сәбилеріміздің еркін жүріп, алаңсыз ойнауы үшін балдырғандарымыз ойнайтын алаңдарды және мекеме аумағын қардан тазарту жұмыстарына көмектесуге келді.
ҚР Тұңғыш Президент күніне орай арнайы қайырымдылық іс-шарасын өткізуді қолға алған жанашыр жастарымыз, оны елордамыздың кішкентай тұрғындарына көмек ретінде өткізуді ниет еткен.
Нұр-Сұлтан қаласы әкімдінің «Жоғары медициналық колледж» ШЖҚ МКК Директорының ОТІ жөніндегі орынбасары Ахмет Күлшәрипа Ыбыханқызы мен Дене шынықтыру пәні оқытушысы Сарсенбаев Палуанхан Абылайұлы жетекшілігімен бізге қар тазалау жұмыстарына көмектесуге келген «Шуақ» еріктілеріне балаларымызға көрсеткен ерекше мейірімі мен қамқорлықтары үшін шексіз алғысымызды білдіреміз. Болашақта биік белестерді бағындырып, өз ісінің маманы болып, еліміздің өркендеуіне қосар үлестеріңіз мол болсын! Сіздерге мықты денсаулық, бақыт және сәттілік тілейміз.
