Нұр-Сұлтан қаласы әкімі Алтай Сейдірұлы Көлгінов мырзаның бастамасымен, «Нұр-Сұлтан қаласының Мәдениет басқармасы» ММ-нің ұйымдастыруымен  1-2 желтоқсан күндері біздің балалар үйінің ұжымы, Нұр-Сұлтан қаласы әкімдігінің «Музыкалық жас көрермен театрында» көрнекті қазақ композиторы Шәмші Қалдаяқовтың өмірі мен өнер жолына арналған «Шәмші» мюзиклін тамашалады.

Музыкалық жас көрермен театрының дарынды жастары Әйгілі қазақ композиторының өмірі мен шығармашылығынан көрініс беретін бүгінгі «Шәмші» мюзиклінде ешқандай фонограмма қолданбай, театрдың Камералық оркестрінің сүйемелдеуімен жанды дауыста Шәмші әндерін шебер орындап, өздерінің энергетикасы арқылы мекеме ұжымын ерекше әсерге бөледі.

Іс-шара соңында балалар үйінің директоры Сәуле Кенжетайқызы Нұр-Сұлтан қаласы әкімдігінің «Музыкалық жас көрермен театры» директоры Асхат Максимұлы Маемиров мырзаға Нұр-Сұлтан қаласы әкімдігінің «Мамандандырылған балалар үйі» МКМ-нің ұжымы атынан арнайы «Алғыс хат» табыс етіп, бүгінгі қойылымнан алған ерекше әсерімен бөлісіп, театр ұжымына жылы лебізі мен ізгі тілегін білдірді.

Мерекелік көтеріңкі көңіл күйге бөлеп, бүгінгі күннің есте қаларлықтай ерекше өтуіне, қызметкерлеріміздің шығармашылық өнерден рухани күш алып, демалысты жақсы, әсерлі өткізуіне жағдай жасағаны үшін Нұр-Сұлтан қаласының әкімі Алтай Сейдірұлы Көлгінов мырзаға, Нұр-Сұлтан қаласының Мәдениет басқармасына, Нұр-Сұлтан қаласы әкімдігінің «Музыкалық жас көрермен театрының» директоры Асхат Максимұлы Маемиров мырзаға және театрдың өнерлі ұжымына, балалар үйінің ұжымы атынан шексіз алғысымызды білдіреміз.

Сіздерге шығармашылық табыс, өркендеу, биік шыңдарды бағындырып жоғары жетістіктерге қол жеткізулеріңізге тілектеспіз.