Театр балаларға қуаныш, қызық, ұмытылмас әсер сыйлайды. Балалардың эстетикалық талғамын, қиялын дамытады.
«Алақай» қуыршақ театры балаларымыздың өмірінде ерекше орын алады, балалар онымен кездесуді асыға күтеді!
Балалар үйінің «Алақай» қуыршақ театрының қызметкерлері тәрбиеленушілерге «Қасқыр мен жеті лақ» қуыршақ театрын көрсетті. Балалар қойылымның басталуын асыға күтті. Түрлі-түсті декорация аясында сахнаға бірінен соң бірі таныс, сүйікті ертегі кейіпкерлері шықты. Әдемі қуыршақтар, көңілді әуен және кейіпкерлер басынан кешкен қызықты оқиға балаларды тамсандырды. Олар зейін қойып тыңдап, қуыршақ театрының әрекетін қадағалап, кейіпкерлерімен бірге қайғырып, бірге қуанып, көңіл көтерді.
Қойылым барысында балалардың шат күлкілері, отты көздері мен қуанышты жүздері балалардың қуыршақ театрын жақсы көретіндігіне көз жеткізді.
