2022 жылдың 9 ақпанында Нұр-Сұлтан қаласы әкімдігінің «Мамандандырылған балалар үйі» МКМ-не, «Барыс» хоккей клубы ойыншылары – Никита Михайлис, Кёртис Волк, Якоб Лилья келді.

Никита Михайлис, Кёртис Волк, Якоб Лилья  мырзаға балалар үйінің қызметкерлері таныстыру экскурсиясын өткізді. Хоккейшілер балалардың өмір сүру жағдайымен танысты, балалар үйі жайлы арнайы фильм көріп,  үйіміздің кішкентай балапандарының құрметті қонақтарымыз үшін арнайы дайындаған мерекелік шағын қойылымдарын тамашалады. Құрметті қонақтарымызға балалар үйі ұжымы атынан естелік сыйлықтар табыс етілді.

Мерекелік іс-шара барысында Никита Михайлис, Кёртис Волк, Якоб Лилья  мырза бүлдіршіндеріміздің өнерінен алған әсерімен бөлісіп, балапандарымызға өздерінің арнайы әкелген керемет сыйлықтарын таратып берді.  Хоккейшілерге, балаларымызға ерекше мейіріммен, қуаныш сыйлау мақсатында арнайы уақыттарын бөліп келгеніне үшін шексіз ризашылығымызды білдіреміз.

Сіздерге сәттілік, табыс, мықты денсаулық тілейміз. Жоғары спорттық шеберліктеріңіз шыңдалып, жаңа жетістіктерге жетіп, биіктерден көрініңіздер. Сәбилеріміздің көзіндегі қуаныш оты мен жүректеріндегі жақсылыққа деген сенімі сіздерді жеңіске жетелесін.