Қуыршақ театры – балалар өмірінің алғашқы кезеңінде танысатын олардың сүйікті өнер түрі.
Бүгін біздің балдырғандарымыз Нұр-Сұлтан қаласы әкімдігінің «Қуыршақ театрында» болды. Қуыршақ театрының әртістері балаларға «Жаңа жылдық ертегі» атты қуыршақ қойылымын көрсетті.
Таңғажайып декорациялар мен әдемі қуыршақтар, көңілді әуен және қызықты ертегі, театр әртістерінің кәсіби шеберлігі балаларымызды баурап алды. Балаларымыз ертегі кейіпкерлерін әрбір іс-қимылын қызығушылықпен бақылап отырды.
Керемет қойылым соңында қуыршақ театрының ұжымы кішкентай көрермендерге тәтті сыйлықтар тараттып берді. Бүгінгі күн балапандарымыз үшін нағыз мерекелік есте қаларлық күн болды.
Балалар үйінің тәрбиеленушілері мен ұжымы атынан Нұр-Сұлтан қаласы әкімдігінің «Қуыршақ театры» ұжымына, тәрбиеленушілерімізге қуаныш пен шаттық сезімін сыйлағаны үшін шексіз алғысымызды білдіреміз.
Қуыршақ театрының ұжымына шығармашылық шабыт, мықты денсаулық, бақыт, қызықты идеялар мен олардың сәтті жүзеге асуын, жарқын, маңызды жобалардың орындалуын, және қуыршақ театрының одан әрі гүлденуін тілейміз.
