Ақпан айының 22 жұлдызында Нұрсауле Нұрбекқызының қолдауымен балалар үйінің бүлдіршіндері үшін «Ailand» отбасылық демалыс орталығына экскурсия ұйымдастырылды.

Бүлдіршіндеріміз океанариумды мекен ететін су асты тіршілік иелерімен танысып, «Су перісі» қойылымын үлкен қызығушылықпен тамашалады.

Балдырғандарымыз аквариумдағы түрлі үлкен және кішкентай балықтар мен қолтырауынды көріп, қайталанбас ерекше әсер алды.

Экскурсия кезінде бүлдіршіндерімізге тәтті сыйлықтар берілді. Содан соң, балаларымыз аттракциондарда ойнап, уақыттарын көңілді әрі қызықты өткізді.

Балалар үйі ұжымы мен бүлдіршіндері атынан Нұрсауле Нұрбекқызына, Динара ханымға, және 3 көрме залынан тұратын, 20 аквариум біріктірілген Мұхитаралын сәбилерімізге көрсетіп, онда мекен ететін су асты тіршілік иелерімен таныстырған студенттерге шексіз алғысымызды білдіреміз.

Сіздерге мықты денсаулық, бақыт, жетістіктер мен мол табыс тілейміз.