2022 жылдың 25 ақпанында Нұр-Сұлтан қаласы әкімдінің «Жоғары медициналық колледж» ШЖҚ МКК басшылығы мен студенттері ұйымдастыруымен, бүлдіршіндеріміздің «Маша мен аю» аниматорларымен көңілді кездесуі өтті.

Балаларымыз үшін аниматорлармен өтетін көңілді ертеңгілік әрқашан да қызықты және ерекше! Сүйікті кейіпкерлерімен кездесу шытырман оқиғалар мен тосын сыйларға толы ертегі әлеміне саяхат жасау балалардың жадында мәңгі сақталады.

Балалар үйі ұжымы атынан Нұр-Сұлтан қаласы әкімдінің «Жоғары медициналық колледж» ШЖҚ МКК басшылығы мен студенттеріне балаларымызға қуаныш пен шаттық, бақыт сыйлап, есте қалаларлық ертеңгілік ұйымдастырып бергені үшін шексіз алғысымызды білдіреміз.

Сіздерге мықты денсаулық, отбасыларыңызға береке, жұмыстарыңызда сәттілік пен үлкен жетістіктер тілейміз!