Сізді адам өмірінің айтулы белесі – 60 жасқа толу мерейтойыңызбен шын жүректен құттықтаймыз! Өз еңбек жолыңызда талай белеске шығып, ұжымның және достарыңыздың құрметіне бөлендіңіз. Сізді өмірден тоқығаны мол, кең ойлап, қамқор қолын ұсынып жүретін аяулы азамат, аға ретінде жақсы білеміз. Өзіңізге және отбасыңызға зор денсаулық, ұзақ ғұмыр, ырыс пен ынтымақ, бақыт пен береке тілейміз! Абыройыңыз асқақтай берсін дей отырып, төмендегі өлең жолдарың арнаймыз.

Балалар үйінің ұжымы Сізді адам өмірінің айтулы белесі – 60 жасқа толу мерейтойыңызбен шын жүректен құттықтаймыз!

Көп жылдан бері медицина саласының жұмысын жандандырып еселі еңбек етіп жүрген жігерлі де жауапты азаматтарымыздың бірісіз.

Өз ісіңізге берілгендігіңіз бен кәсіби шеберлігіңіз, әділдігіңіз бен адамгершілігіңіз үшін әріптестеріңіз Сізді білікті маман, ақжүрек азамат ретінде құрмет тұтып сыйлайды.  Бүгінгідей мерейлі сәтте Сізге еңбекте толағай табыстарға, мақсатта биік шыңдарға жете беруіңізді тілейміз.

Өзіңізге және отбасыңызға зор денсаулық, ұзақ ғұмыр, ырыс пен ынтымақ, бақыт пен береке тілейміз! Шығар шыңдарыңыз әрқашанда биік болып, ел-қоғам алдында абыройыңыздың арта беруіне тілектестік білдіреміз.

Құрметті Асима Дурмановна!

Сізді бүгінгі есте қаларлық өте әдемі, әрі мәнді  мерекеңізбен 50 жасқа толуыңызбен шын жүректен құттықтаймыз!

Арманның ажарында, бақыттың базарында күліп-ойнап, көпшіліктің алғысы мен құрметіне бөленіңіз. Өмірден мол тәжірибе жинақтап, осы қалпыңыздан таймай, асулардан асып, берекеңіз тасып, мәңгі жастық қалпыңызды сақтап, ұзақ жасай беріңіз.

Құрметті Күміскайша Мухаметкаримқызы!

Сізді туған күніңізбен шын жүректен құттықтаймыз, ойлаған арманыңызға жетуіңізге тілектеспіз. Сізді тек биіктерден көрейік. Шаңырағыңызға құт-береке, бейбіт күннің арайлы шуағы мейлінше төгіле түссін, отбасыңызға - амандық, денiңізге - саулық, ұзақ ғұмыр тiлеймiз, арманыңыз - асқақ, шығар биігіңіз асқаралы болсын!

Әрдайым құшағыңыз – гүлге, қадамыңыз нұрға тола берсін! Бақытты өмір сүруіңізге шын жүректен тiлектеспiз!