Халықаралық медицина қызметкерлері күні қарсаңында Қазақстан Республикасы Денсаулық сақтау министрі Ажар Ғиният «Мамандандырылған балалар үйі» МКМ-нің медицина қызметкерлерін мерекемен арнайы құттықтап, қуаныш сыйлау мақсатында әсем хош иісті гүл шоқтарын сыйға берді. Бұл біздің балалар үйінің ұжымы үшін үлкен мәртебе!

Бүгін Нұр-Сұлтан қаласы әкімдігінің «Мамандандырылған балалар үйі» МКМ-нде, «Медицина қызметкерлері күні» мерекесіне орай салтанатты іс-шара өтті.

Нұр-Сұлтан қаласы әкімдігінің «Мамандандырылған балалар үйінің аға тәрбиешісі Лаура Серікқызы жақсылықты жанына серік етіп, игі істерімен адамдарға жан жылуын сыйлап жүрген жандарға арналған ҚР Тұңғыш Президенті қорының Қазақстан іскер әйелдер қауымдастығының, «Хабар» агенттігі мен «КТК» арналарының қолдауымен елімізде жыл сайын өткізілетін «Қайырымдылық керуені» байқауына қатысып, «Алғыс хатпен» марапатталды.